NA KAMATA SII FAGONA

Na kamata pe sii fagona
i hihifo i kelesia
lea patele o feia
fanau mulimuli mai la
fanau mulimuli mai la
i sii koluse manuia

Hiki te fagona i vaitupu
pea laga mai taku manatu
kite folafola aeni a sesu
iloga e ofa kia teau
iloga e ofa kia teau
hiki te koluse o muli atu

Tau te fagona ki akaaka
pea lea ko patele luka
fanau amo sii koluse
nee ina amo tokotahi pe
nee ina amo tokotahi pe
kae ko tatou e toko afe

Alu te fagona pea tuu ai
o tuu i sia o momoli ai
te kau mahaki ae nofo ai
sesu e pei ofa mai
oie te hahau he kote maupo
tou hiki te koluse i lotoi hihifo

Oie te hahau tana hifo momoko
patele luka te supileo
osi te momoli pea haele
tou kumi la ia te fae
koeni malia siau tama pele
koeni e tuu ite koluse

Nee hifo leva i fale maka
i matautu te taulaga
o tauine kia malia
mote tamua o lesina
mote tamua o lesina
pea hoki hiki sii fagona




Fanau eau iloi pe
kua lagi hau te gaegae
kae kuau manamanatu age
ki tana haele mote koluse
malo faipule mo uluimonua
ta kolua kataki ite aho aia

He ko nai fanau ote palokia
ofa pe ke fua ki uvea katoa
pogipogi uhu eau tuu
i lavegahau o lea atu
fanau malo te uhu
manatui kote fagona tapu

Manatui kote fagona tapu
fua te koluse o hoko atu
fakalaka i pelepitelio
au sio ake e tuu ifo
ia sosefo mo tona toko
mote too ote vaa lilio
mote too ote vaa lilio
tamai tauhi a kilisito

Fanau e malo te amo
tou fakaosi ki kolopopo
kite haka aga o petelo
nee hau mote evaselio
oie te hahau he kote maupo

Tou hiki te koluse i lotoi hihifo
oie te hahau tana hifo momoko
patele luka te supileo
malo faipule mo uluimonua

Lire la suite Masquer la description

Thématique :Clips | Tags :malo ki mo pe futuna uvea atu

Lire la suite Masquer les tags