MOLIHINA (7)

Tapu age mote aho kua toka
mo maau o uvea katoa
kae fai mua haku talanoa
kite hisitolia fakaofaofa

Kite hisitolia fakaofaofa
ote molihina sii kau toa
na fakamataku mo logologona
oie i uvea katoa

kaiga fakagafua mai
kau fai hina kupu e tahi
kite talatuku o aku kui
hee iai taku mau kiai

Hee iai taku mau kiai
pe kohe mooni pe kohe loi
huluava siana tou tamai
nee itaita mo fia lahi

Huluava na alu tana fekau
ke maopoopo tana fanau
kua loto ia ke fai he tau
laga ai te tau fakamataku

O kamata te tau i Vaitupu
Vailala kau ai mo Fakautu
mo Ahoa Utuleve mole tuu
fakahahaga ki talie tumu

Alu atu ai sii kau toa
pea lea mai te maimoa
tuu he afe mua te fagona
ke fai he kava hoki olo leva

Nee logo mai leva Huluava
pea paui mai mo aafa
heu i mamao te koga tagata
i toku ala mote gaohaa

Nee tuu ake leva te pipiki
kua itaita pea ufiufi
temonio ote fakapouli
kua ita i tona laukovi

Lagavaka ai sii tevolo
kite kau tau fuli nee olo
maumau la ona tou loto
kua liliu kote tooga toto

Sii fanau nee loto toa
o taui ko uvea katoa
ona tou palu te maimoa
tupu ai siana tou pulinoa

lolotoga sii tau aia
kae heka vaka ite moana
toafatavao vao kakala
hola koliui ki atalika

toafatavao vao kakala
hola koliui ki atalika
fanai ai siana tama
aena ko laupuatokia

Osi age sii tau nee fai
faka tokaga kua lavaki
alele ko sii kolo hahai
laupua nee ina fakahahai

Kua gata leva sikou maau
kite tala tuku ae nee lau
ka kohe loi tuku ke alu
moo fakamaholo palalau

Lire la suite Masquer la description

Thématique :Clips | Tags :ote talatuku molihina

Lire la suite Masquer les tags